Хоол боловсруулах эрхтэн тогтолцоонд нөлөөлөх эм

Годекс - Элэгний эрүүл энхийн төлөө

114,000

Найрлага

1 капсулд агуулагдах хэмжээ:

Идэвхитэй нэгдлүүд

  • Карнитин оротат 150 мг (73.8 мг орот хүчил, 76.2 мг карнитин)
  • Элэгний хоргүйжүүлсэн экстракт   12.5 мг
  • Аденин гидрохлорид 2.5 мг
  • Пиридоксин гидрохлорид 25 мг
  • Рибофлавлин 0.5 мг
  • Цианокобаламин 0.125 мкг
  • Бифенил диметил дикарбоксилат 25 мг

Эмийн хэлбэр : Хатуу желатинин бүрхүүлтэй

Фармакологийн үйлдэл

  1. Олон төрлийн элэгний эмгэгүүдийн үед элэгний трансамназа SGPT (АЛАТ)  ихсэлтийг хэвийн болгох
  2. Элэгний цочмог янз бүрийн эмгэгүүдийн үед хэрэглэх ба эмчилгээний үед эмчилгээний үйлдэл маш хурдан хугацаанд илэрнэ.
  3. Эмийг хэрэглэхээ зогсоосны дараа эргэж трансамназа SGPT (АЛАТ) ихсэх шинж илрээгүй
  4. Удаан хугацааны эмчилгээний дараа ямар нэгэн хортой нөлөө илрээгүй
  5. Дотрын эмчилгээнд хэрэглэдэг бусад эмүүдтэй онцгойлсон эмийн харилцан үйлчлэл тогтоогдоогүй.

Хэрэглэх заалт

Элэгний трансаминаза (SGPT ) ихэсдэг элэгний эмгэгүүд

  • Цочмог ба цочмогдуу  болон архаг гепатит
  • Элэгний өөхлөлт (эм болон архины шалтгаант)
  • Элэгний цирроз
  • Элэгний үйл ажиллагаа буурч ядарч сульдсан
  • Эм болон химийн бодисын шалтгаант элэгний хордлого
  • Вирус болон химийн бодисын шалтгаант элэг гэмтсэн үед элэг дэмжих эмчилгээ (Сүрьеэгийн эсрэг эм хэрэглэж байгаа үед)

Тун ба хэрэглэх арга

  • Насанд хүрэгчид:  1 удаад 2 капсулыг өдөрт 2-3 удаа хоолны дараа ууна.
  • Эмч өвчтний нас болон эмнэлзүйн байдлаас хамааран тунг өөрчилж болно.  
  • Алат, Асат-н хэмжээг түгжих, элэгний өөхлөлтийг хайлуулах бол дор хаяж 2-3 сар тасралтгүй ууж хэрэглэнэ.
  • Эрчимтэй эмчилгээний тун өдөрт 6ш буюу өглөө2, өдөр 2, орой 2 гэж ууна

Хориглох заалт

Эмийн найрлага дахь идэвхитэй болон идэвхигүй найрлагуудын аль нэгэнд хэт мэдрэгшсэн өвчтөнд хэрэглэхгүй.

Онцгой анхааруулга ба болгоомжлол

Доорх өвчтнүүдэд маш болгоомжтой хэрэглэнэ.

  1. Элэгний архаг үрэвслийн хүндрэлийн шат
  2. Элэгний хатуурлын хүндрэлийн шат

Энэ эмийн эмчилгээний үеэр найрлагадаа олон төрлийн B витамин агуулсан бэлдмэл хэрэглэхийг зөвөлдөггүй.

Жирэмсэн болон хөхүүл үеийн хэрэглээ

Годексийг жирэмсэн болон хөхүүл үед онцгой шаардлагатай гэж үзсэн үед хэрэглэж болно. Хэрэглэхийн өмнө эмчилгээний үр нөлөө болон гарч болох эрсдлийн талаар эмчтэйгээ сайтар ярилцах хэрэгтэй.

Эмийн гаж урвалууд

  1. Ховор тохиолдолд арьсан дээр тууралт гарах ба хэрэв тууралт гарсан бол нийтлэг гистамины эсрэг эмийг хэрэглэнэ.
  2. Хүндэрсэн үед зарим тохиолдолд завсарлагаат хэлбэрийн шарлалт илрэх ба энэ үед эмчилгээг зогсоож шарлалтын эсрэг нэмэлт эмчилгээ хийнэ.
  3. Ховор тохиолдолд дотор муухайрах, ходоод орчимд эвгүй оргих мэдрэмж төрж болзошгүй.
  4. Ховор тохиолдолд арьс загатнах, тууралт гарах шинж тэмдэг илрэх ба эмчилгээг зогсоож эмчийн зааврын дагуу эмчилгээ хийнэ. Энэ эмтэй холбоотой өөр гаж урвал илэрвэл эмчдээ хандаарай.

Тун хэтрүүлэлт

Шинж тэмдэг : дотор муухайрах, бөөлжих, суулгах

Хэрвээ тун хэтэрсэн шинж тэмдэг илэрвэл дэмжих эмчилгээ эхлэх хэрэгтэй : ходоод угаах, идэвхижүүлсэн нүүрс уулгах, осмосжилт ихтэй туулгах эм хэрэглэх

Эмийн харилцан үйлчэл

Годекс нь бусад эмтэй харилцан үйлчлэл бүрэн мэдээлэгдээгүй.

Хадгалалт

30°доош хэмд хуурай сэрүүн газар нарны гэрлээс хол хадгална. Хүүхэд хүрэхээргүй газар хадгална.

Хадгалалтын хугацаа: Үйлдвэрлэсэн өдрөөс хойш 36 сар хадгална.

Савалгаан дээр заасан хадгалах хугацаа дууссан бол хэрэглэж болохгүй.

Савлагаа: Хайрцгандаа 10 блистер, 10 капсул/ блистер. Шошгон дээрхи хугацаа дууссан байвал хэрэглэхгүй.

ЭМЧИД ЗОРИУЛСАН МЭДЭЭЛ

Фармакодинамик

Годекс эмийг элэгний трансаминаза (SGPT) ихэссэн элэгний эмгэгүүдийн эмчилгээнд хэрэглэдэг. Элэгний эсийн митохондрид бетта исэлдэлтийн дүнд үүсдэг чөлөөт өөхний хүчлийн хэмжээг нэмэгдүүлэн өөх тосны солилцоог эрчимжүүлж, биосинтетик үйлийг нэмэгдүүлэн, элэгний эсийн үхжлээс сэргийлдэг. Элэгний эсийн  өсөлт болон ферментийн тогтолцоог хэвийн болгож үйл ажиллагаа хэвийн явах нөхцлийг хангана. Ходоодны шүүрэл ялгаралт, цөсний урсгалыг нэмэгдүүлэн нарийн гэдэсний хананд нүүрс ус шимэгдэлтийг сайжруулснаар нарийн гэдэсний хэвийн бичил биетэн амьдрах нөхцлийг бүрдүүлдэг. Карнитин оротат нь карнитин суурьтай оротик хүчил агуулсан нийлмэл найрлагатай давс  бөгөөд  энэ нь  биед карнитин болон оротын хүчил дангаараа байснаас илүү амархан шингэж хүний биед хэрэглэхэд элэгний эсэд холбогдсоноор элэгний үйл ажиллагаанд сонгомол сайжралыг үзүүлнэ. Карнитин оротат нь усанд уусамтгай тул  хүний биед амархан шингэж, үйлдлээ үзүүлэхийн өмнө оротын хүчил болон карнитин суурь болон задардаг. Карнитин оротат нь гэмтсэн элэгний эсийг нөхөн сэргээх ба элэгний эсийн митохондрит чөлөөт өөхний хүчил бетта исэлдэлтийн процессын нөлөөгөөр элэгний өөхлөх үйл явцийг саатуулдаг липотрофик нэгдлийг ялгаруулдаг нь тогтоогдсон.

Карнитин оротатын гол үйлдэл:

  • Элэгний эсийн үхжлээс сэргийлэх
  • Элэгний эсийн нөхөн төлжилт болон өсөлтийг эрчимжүүлэх
  • Бие махбодийн өөх тосны солилцоог дэмжих
  • Уураг, липопротейны нийлэгжлийг эрчимжүүлж, сэргээдэг.

Оротын хүчил нь дотоод уургийн нийлэгжилд шаардлагатай нуклейн хүчлийн (ДНХ, РНХ) урьдал бодис ба гэмтсэн элэгний эсийг сэргээх, нөхөн төлжилтийг сайжруулах, элэгний эсийн үхжлээс  сэргийлэх, элэгний эсийн бодисын солилцооны ферментийг идэвхижүүлэх, элгийг шууд хоргүйжүүлэх зэрэг үйлдэлтэй.

Карнитин эсийн дотохи липидын солилцоонд чухал үүрэгтэй ба архи болон эмийн шалтгаант элэгний өөхжилтөөс  сэргийлж, элэгний эдийн коллагений хэмжээг нэмэгдүүлж, аподипоз шалтгаант элэгний эсийн үхжил үүсэхийг саатуулна.

  • Элэгний хоргүйжүүлсэн экстракт,   үхрийн элэгнээс гарган авсан энгийн амин хүчлээс тогтсон ханд бөгөөд элгийг хордуулагч нэгдлээс маш сайн хоргүйжүүлэх үйлчилгээтэй ба элэгний дотоод бодисын солилцооны ферментийг идэвхижүүлэхэд оролцдог. Хэд хэдэн амьтан дээр хийгдсэн эмнэлзүйн туршилт судалгаагаар архи болон эмийн шалтгаант элэгний хордлогын эмчилгээнд үр дүн сайтай байсан бөгөөд элэгний эмгэгийн үед элэгний үйл ажиллагааг маш сайн дэмжих нөлөөтэйг тодорхойлсон.

Цианокобаламин  нуклейн хүчлийн нийлэгжилтэнд коэнзим байдлаар оролцдог мөн  элэгний эсийн  нөхөн сэргэлтэнд оролцдог оротик хүчлийн үйлдлийг дэмждэг.

Пиридоксин гидрохлорид ба рибофлавин нь элэгний эс доторх амин хүчил липидын солилцоонд оролцдог ханаагүй өөхний хүчлийн хэмжээг нэмэгдүүлж, цусан дахь холестрол, триглицеридын ялгаралт болон задралын улмаас үүссэн липидын бодисын солилцооны гаждалын улмаас үүссэн элэгний өөхөн хувирлыг саатуулах үйлдэлтэй. Рибофлавин нь олон төрлийн биохимийн урвал, уургийн нийлэгжлийн зохицуулга, эдийн амьсгалын процесст зэрэгт шууд оролцдог.

Аденин гидрохлорид ба аденозин нь энергийн солилцоонд энергийн эх үүсвэр болох AТФ-ийн үндсэн бүрэлдэхүүн ба нүүрс ус, уураг, липидын солилцоонд оролцож, элэгний эсийн бетта исэлдэлтээс үүдэлтэй элэгний өөхөн хувирлыг саатуулдаг.

Бифенил диметил дикарбоксилат

  • Элэгний эсийн гэмтлээс сэргийлэх:  Бифенил диметил дикарбоксилат нь чөлөөт радикалын механизмаар липидын исэлдэлтээс сэргийлж элэгний эсийн микросомын мембраны липидтэй холбогдсон  элэг хордуулагч нэгдэлтэй ковалент холбоогоор холбогдож хэт исэлдэлтийг саатуулна. Бифенил диметил дикарбоксилат нь элэгний эсийн үйл ажиллагааг нэмэгдүүлж, цочмог болон архаг гепатитын үеийн эмнэлзүйн шинж тэмдгийг намдаана.
  • Элгийг хоргүйжүүлэх: Бифенил диметил дикарбоксилат нь элэгний гол хоргүйжүүлэхэд оролцдог гилгэр эндоплазмын торд байрлах цитохром P-450 идэвхижүүлнэ.
  • Элэгний нөхөн төлжих үйлийг дэмжих: Бифенил диметил дикарбоксилат нь элэгний өөрийн жин болон микросомын уургийн хэмжээг нэмэгдүүлж элэгний нөхөн төлжилтийг идэвхижүүлдэг.
  • Дархлал биологийн үүрэг: Бифенил диметил дикарбоксилат нь  дархлал хордуулах үйлдэлтэй CCL4 болон кетоконазолоор үүсгэгдсэн эмгэгийн үед эмчилгээний мэдэгдэхүйц үр дүн өгсөн.
  • Эм болон архинаас элгийг  хамгаалах үйлдэл
  • : Бифенил диметил дикарбоксилатыг клиникийн практикт өргөн хэрэглэгддэг эмийн (ацетоаминофен, антибиотик, мөөгөнцрийн эсрэг эм, хавдрын эсрэг эм, үрлэн эм гэх мэт) болон архины шалтгаант элэгний гэмтлийн эмчилгээнд өргөнөөр хэрэглэдэг.
  • АЛАТ-ыг  хурдан буулгах : Бифенил диметил дикарбоксилат нь бусад эмтэй харьцуулахад хэвийн бус байгаа АЛАТ –ыг маш хурдан буулгах нөлөөтэй.

Фармакологийн үйлдэл

  1. Олон төрлийн элэгний эмгэгүүдийн үед элэгний трансамназа SGPT (АЛАТ)  ихсэлтийг хэвийн болгох
  2. Элэгний цочмог янз бүрийн эмгэгүүдийн үед хэрэглэх ба эмчилгээний үед эмчилгээний үйлдэл маш хурдан хугацаанд илэрнэ.
  3. Эмийг хэрэглэхээ зогсоосны дараа эргэж трансамназа SGPT (АЛАТ) ихсэх шинж илрээгүй
  4. Удаан хугацааны эмчилгээний дараа ямар нэгэн хортой нөлөө илрээгүй
  5. Дотрын эмчилгээнд хэрэглэдэг бусад эмүүдтэй онцгойлсон эмийн харилцан үйлчлэл тогтоогдоогүй.

Фармакокинетик

Карнитин оротат нь хоолтой хамт хэрэглэх үед хоол боловсруулах замаар хурдан шимэгдэнэ. Цөстэй хамт ялгарч өтгөнөөр гадагшлаж, маш бага хэмжээгээр шээсээр ялгарна.

Аденин гидрохлорид нь биеийн бүх эдэд тархана. Биед хуримтлагддагүй ба хувираагүй хэлбэрээр шээсээр эсвэл метаболит хэлбэрээр гадагшилдаг.

Рибофлавин нь арван хоёр хуруу гэдсэнд шимэгдэнэ. Рибофлавин нь флавин мононуклеотид (FMN рибофлавин 5 фосфат), флавин аденин динуклеотид (FAD) коэнзимийн нөлөөгөөр бие махбодид хувирдаг. Рибофлавины метаболит нь биеийн бүх хэсэг, хөхний сүү зэрэгт тархдаг.  Бага хэмжээгээр элэг, дэлүү, бөөр, зүрхэнд очно. FMN, FAD-н 60% нь сийвэнгийн уурагтай холбогддог. Рибофлавин нь усанд уусамтгай витамин бөгөөд бөөрөөр метаболит байдлаар ялгарна. Тун хэтэрсэн тохилдолд их хэмжээгээрээ хувирахгүйгээр шээсээр гадагшилна. Рибофлавин нь өтгөнтэй хамт гадагшилдаг. Диализ болон гемодиализ дүнд рибофлавиныг гадагшлуулж болох хэдий ч бөөрний хэвийн үе дэх ялгаралтаас илүү удаан байна. Ихэсийг нэвтэрч, хөхний сүүгээр ялгарна.

Пиридоксин нь уухаар хэрэглэхэд  шимэгдэлт алдагдлын хам шинжээс бусад үед хоол боловсруулах замаар хурдан шимэгдэх ба пиридоксал фосфат, пиридоксамин фосфат байдлаар идэвхитэй хэлбэрт шилжинэ. Элгэнд 4 пиридоксины хүчил болж исэлдэн нөөцлөгдөнө. Бага хэмжээгээр булчин, тархинд хадгалагддаг. Пиридоксал  нь ихсийг нэвтэрч  хөхний сүүтэй ялгарна. Бүхэлдээ метаболит байдлаар шээсээр ялгарна.

Уух хэлбэрийн цианокобаламин нь нарийн гэдэсний түвшинд ялангуяа цутгалан гэдсэнд 2 механизмаар шимэгддэг : Идэвхигүй механизмын үед тоо хэмжээ чухал бол идэвхитэй механизмын үед дотоод хүчин зүйл чухал үүрэгтэй ба физиологийн тунгийн шимэгдэлтээс хамаарна. Дотоод хүчин зүйл нь ходоодны салстын паретиаль эсээс ялгардаг гликопротейн юм. Шимэгдэлтийн зэрэг нь тунгаас хамараарахгүй нь ойролцоогоор 1% байдаг. Шимэгдсэний дараа цианокобаламин нь ийлдсэн дэх транскобаламин II-той холбогдож элэгний паранхемийн эдэд тархдаг. Элэг бол бусад эдийн хувьд нөөцлөгч юм. Өдөрт дунджаар 3 микрограмм кобаламин цөсрүү ялгарч, ялгарсан кобаламины 50-60% нь дахин шимэгддэггүй. Цөстэй хамт ялгарч элэг ходоодны замаар дамжин, шээсээр ялгарна.

Бифенил диметил дикарбоксилат нь хоол боловсруулах замаар маш хурдан шимэгдэж биеийн бүх хэсгээр сайтар тархдаг. Элгэнд хувиралд орж шээсээр ялгарна.

Аюулгүйн байдлын урьдчилсан эмнэлзүйн өмнөх судалгааны үзүүлэлт

Годекс эмийн бүтээгдэхүүнийг хархан дээр хийгдсэн эмнэлзүйн туршилт судалгаагаар офтальмоскопи ба дотор эрхтний жинлэх, шээс, биохими болон цусны  дэлгэрэнгүй шинжилгээ хийж үзэхэд нас баралт, биеийн жин өөрчлөгдөх, цогцлох задлах, тэжээл болон усаа алдах зэрэг ямар нэгэн хортой нөлөө илрээгүй байна. Энэ үр дүнгээс харахад Годекс нь ямар нэгэн гаж нөлөөгүй бөгөөд харханд уулгах хамгийн их тун нь 500мг/кг-аас их бөгөөд  хагас үхүүлэх тун нь (LD50) 5гр/кг /биеийн жин-ээс их байна.ЭЛ

 

Захиалах

Санал илгээх